කොත්මලේ ඔයේ සිටින මසුන් හදිසියේ මිය යන බව නිරීක්ෂණය වී ඇතැයි නුවරඑළිය දිස්ත්රික් සෞඛ්ය සේවා අධ්යක්ෂක නිශ්ශංක විජේවර්ධන පැවසීය.
ඔහු අවධාරණය කළේ මෙම මසුන් මියයෑමට නිශ්චිත හේතුවක් මේ වන තෙක් අනාවරණය වී නොමැති බැවින් මියගොස් සිටින මසුන් ආහාරයට ගැනීම හෝ අලෙවි කිරීම සිදු නොකරන ලෙසයි.
මෙලෙස මසුන් මියයාමට හේතුව කුමක්ද යන්න විමර්ශනය කිරීම සඳහා ලිඳුල සෞඛ්ය වෛද්ය නිලධාරි වෛද්ය රිෂි තුරෙයිරාජා මහත්මිය සහ මහජන සෞඛ්ය පරික්ෂකවරුන් පිරිසක් එම ප්රදේශයට යොමුකර ඇති බවයි අප වාර්තාකරු පැවසුවේ.
මීට අමතරව කොත්මලේ ඔයේ ජල සාම්පල සහ මියගිය මත්ස්යයින් කිහිප දෙනෙකු පේරාදෙණිය, ගන්නෝරුවේ පිහිටි පසු පරීක්ෂණ මධ්යස්ථානය වෙත යොමුකර ඇත.