30 C
Colombo
Thursday, April 3, 2025

― political ―

ජාතික ජන බලවේගයේ පක්ෂ නායකයින් අද මැතිවරණ කොමිසම හමුවට

ජාතික ජන බලවේගයේ පක්ෂ ලේකම් වෛද්‍ය නිහාල් අබේසිංහ මහතා ඇතුළු පක්ෂ නායකයින් පිරිසක් අද (19) මැතිවරණ කොමිසම හමුවීමට නියමිතය. පළාත් පාලන මැතිවරණ පැවැත්වීමේ සුදානම...
HomeNewsතල්දෙනින් පැනගිය රැඳවියන් 09 දෙනාම අත්අඩංගුවට

තල්දෙනින් පැනගිය රැඳවියන් 09 දෙනාම අත්අඩංගුවට

බදුල්ල – තල්දෙන තරුණ වරදකරුවන්ගේ විශෝධන මධ්‍යස්ථානයේ රඳවා සිටියදී පළාගිය රැඳවියන් නවදෙනාම මේ වනවිට අත්අඩංගුවට ගෙන ඇති බව බන්ධනාගාර මාධ්‍ය ප්‍රකාශකවරයා පවසනවා.

බන්ධනාගාර නිලධාරීන් අද (18) අලුයම් කාලයේ කඳවුර අවට ඇති වනාන්තරයේ සිදුකළ සෝදිසි මෙහෙයුමක දී පලාගොස් සැඟව සිටි අවසන් රැඳවියන් තිදෙනා ද අත්අඩංගුවට ගැනීමට හැකිව තිබෙනවා.

මෙලෙස පළාගිය රැඳවියන් නවදෙනාගෙන් දෙදෙනෙක් ඊයේ (17) පෙරවරුවේ සහ තවත් සිව්දෙනෙක් ඊයේ දහවල් කාලයේ දී බන්ධනාගාර නිලධාරීන් හා පොලිසිය එක්ව සිදුකළ මෙහෙයුමක දී අත්අඩංගුවට ගනු ලැබුවා.

තල්දෙන තරුණ වරදකරුවන්ගේ විශෝධන මධ්‍යස්ථානයේ රඳවා සිටින රැඳවියන්ගෙන්, රැඳවියන් 09 දෙනෙක් ඊයේ (17) අලුයම් කාලයේ ඉන් පළාගොස් තිබුණා. මෙලෙස අත්අඩංගුවට ගත් රැඳවියන් අද (18) බදුල්ල අධිකරණයට ඉදිරිපත් කිරීමට නියමිතයි.