මිල කළ නොහැකි වාලම්පුරියක් ළඟ තබා ගෙන සිටි බව කියන වනජීවී සංරක්ෂණ දෙපාර්තමේන්තුවේ සත්ව අඩවි සහකාරවරයෙකු අද (21) අත්අඩංගුවට ගත් බව මීරිගම පොලිසිය පවසයි.
මීරිගම පොලිස් වසමේ අඹේපුස්ස රජයේ ගොවිපොල අසළදී මෙසේ අත්අඩංගුවට ගෙන ඇත්තේ ගොඩකලාන, ලෝලුවාගොඩ පදිංචි හතළිස් තුන් හැවිරිදි පුද්ගලයෙකි.
පුද්ගලයෙකු මිල කළ නොහැකි වාලම්පුරියක් ළඟ තබා ගෙන සිටින බවට වැලිසර නාවික හමුදා කඳවුරේ නිළධාරින් හට ලද තොරතුරකට අනුව මීරිගම පොලිස් ස්ථානයේ රාත්‍රි ජංගම සංචාරයේ නිලධාරින් කණ්ඩායම විසින් සිදු කරනු ලැබූ සෝදිසි කිරීමකදීයි මෙම සැකකරු අත්අඩංගුවට ගෙන ඇත්තේ.
මීරිගම පොලිස් ස්ථානය විසින් වැඩිදුර විමර්ශන සිදුකරනු ලබයි.