ළිඳුල පොලිස් වසමට අයත් වොල්ට්‍රිම් වතුයායේ නිවසක සිටි සිව්දරු මවක් ඝාතනය කර ඇයගේ ගෙල බැඳි රන් මාලය සහ කරාබු ජෝඩුව පැහැරගෙන ගොස් ඇති බව පොලීසිය පවසයි.
මෙම ඝාතනය අද (21) පෙරවරුවේ සිදුව ඇති බවයි ළිඳුල පොලීසිය පවසන්නේ.
වෙන්ගඩාසලම් සත්‍යභාමා නැමති 68 හැවිරිදි සිව්දරු මවක් මෙලෙස ඝාතනය කර ඇති අතර අද උදෑසන දියණිය සහ බැණා රැකියාව සඳහා පිටත්ව යාමෙන් අනතුරුව නිවසේ රැඳී සිටි මිණිබිරියද නිවසින් බැහැරව ගිය අවස්ථාවේදී නිවසට ඇතුළු වූ කිසියම් පුද්ගලයෙකු තියුණු ආයුධයකින් පහර දී ඇය ඝාතනය කර ඇති බවයි පොලීසිය සඳහන් කරන්නේ.