අකුණු සැර වැදීමෙන් බලංගොඩ, ගොඩකුඹුර ප්රදේශයේ පුද්ගලයෙකු ජීවිතක්ෂයට පත්ව තිබෙනවා.
ඊයේ (24) සවස් කාලයේ අකුණු සැර වැදීමෙන් මෙලෙස මියගොස් ඇත්තේ වයස අවුරුදු 18ක තරුණයෙක් බවයි පොලිසිය සඳහන් කළේ. මෙම තරුණයා නිවසේ සිටියදී අකුණු සැර වැදී ඇති අතර පසුව ඔහු බලංගොඩ රෝහලට ඇතුළත් කිරීමේ දී මියගොස් ඇති බවයි තොරතුරු වාර්තා වුණේ.
මෘත ශරීරය බලංගොඩ රෝහලේ මෘත ශරීරාගාරයේ තැන්පත්කර ඇති අතර සිද්ධිය පිළිබඳව බලංගොඩ පොලිසිය වැඩිදුර පරීක්ෂණ සිදුකරණු ලබනවා.