සාමාන්‍ය පෙළ විභාගය මැයි 29 වැනිදා ආරම්භ කිරීමට නියමිත බව අධ්‍යාපන අමාත්‍ය සුසිල් ප්‍රේම්ජයන්ත පැවසීය.
අමාත්‍යවරයා මේ බව ප්‍රකාශ කළේ අද (25) පාර්ලිමේන්තුවේදී අසන ලද පැනයකට පිළිතුරු දෙමිනි.
එහිදී වැඩිදුරටත් අදහස් දක්වමින් අමාත්‍යවරයා කියා සිටියේ දින 10ක් ඇතුළත විභාගය තියා අවසන් කරන බවයි.
මෙවර උසස් පෙළ විභාගය පැවැත්වෙන දිනය පිළිබඳ කල්වේලා ඇතිව දැනුම්දෙන බවත් මේ වනවිට ප්‍රායෝගික පරීක්ෂණ අවසන් වී තිබෙන නිසා විභාග ප්‍රතිඵල ප්‍රමාදය අවම කර ගැනීමට හැකියාව ලැබෙන බවත් අමාත්‍යවරයා අවධාරණය කළේය.