මාතර සිට ගාල්ල දෙසට ධාවනය වූ දුම්රියක ගැටීමෙන් පාසල් සිසුවියක් ජීවිතක්ෂයට පත්ව ඇති බව පොලීසිය පවසයි.
ඊයේ (25) මාතර, නුපේ රේල් ගේට්ටුවත හා පඹුරණ දුම්රිය ස්ථානය අතරදීයි මෙම අනතුර සිදුව ඇත්තේ.
අනතුරෙන් ජීවිතක්ෂයට පත්ව ඇත්තේ 15 හැවිරිදි බෙන්තොටගෙවත්ත, හිත්තැටිය ප්‍රදේශයේ පදිංචි පාසල් සිසුවියක් වන අතර ඇය තවත් මිතුරියන් තිදෙනෙකු සමග සාදයකට ගොස් පා ගමනින් දුම්රිය මාර්ගයේ ගමන් කරමින් සිටියදී අනතුර සිදුව ඇති බවයි පොලීසිය පවසන්නේ.
සිද්ධිය සම්බන්ධයෙන් මාතර පොලීසිය වැඩිදුර විමර්ශන සිදුකරයි.