හිටපු නාවික හමුදාපති අද්මිරාල් ඔෆ් ද ෆ්ලීට් වසන්ත කරන්නාගොඩට එරෙහිව අමෙරිකාව පැනවූ තහනම ප්‍රතික්ෂේප කරන බව ශ්‍රී ලංකාව නිල වශයෙන් ප්‍රකාශ කර තිබෙනවා.
ඒ අනුව විදේශ කටයුතු අමාත්‍යංශය නිවේදනයක් නිකුත් කරමින් සඳහන් කරන්නේ අදාළ තීරණය සම්බන්ධයෙන් කනගාටුව පළකරන බවයි.
විදේශ අමාත්‍ය අලි සබ්රි විසින් මෙම තීරණය හා සම්බන්ධ ශ්‍රී ලංකාවේ බරපතල කණස්සල්ල අද (27) එක්සත් ජනපද තානාපතිනි ජූලී චන්ග් මහත්මිය වෙත ප්‍රකාශ කළ බවයි විදේශ අමාත්‍යංශය වැඩිදුරටත් සඳහන් කළේ.
