අම්බලන්ගොඩ හිරේවත්ත ප්‍රදේශයේදී පුද්ගලයන් දෙදෙනෙකු අතර ඇති වූ බහින්බස් වීමක් දුරදිග යාමෙන් ගැටුමක් හටගෙන තිබේ.
එහිදී එක් පුද්ගලයෙන් අනෙකාට තියුණු ආයුධයකින් පහර දී ඇති අතර ඔහු ඊයේ (26) රාත්‍රියේ බලපිටිය රෝහලට ඇතුළත් කිරීමෙන් පසු මියගොස් ඇති බවයි පොලිසිය පවසන්නේ.
මෙලෙස මියගොස් ඇත්තේ අම්බලන්ගොඩ හිරේවත්ත පදිංචි 42 හැවිරිදි අයෙක්. මියගිය පුද්ගලයා හා තවත් අයෙක් එක්ව මත්පැන් පානය කරමින් සිටියදී මෙම ආරවුල හටගෙන ඇති බවත් ඉන්පසු මෙම ඝාතනය සිදුව ඇති බව අනාවරණය වී තිබේ.
සිද්ධියට සම්බන්ධ සැකකරු අත්අඩංගුවට ගැනීම සඳහා අම්බලන්ගොඩ පොලිසිය වැඩිදුර පරීක්ෂණ සිදු කරයි.