තමාගේ සිහිනය වන්නේ අනාගතයේ පොලිස්පති තනතුර සඳහා කාන්තාවක් පත් වීම බව පොලිස්පති සී.ඩී වික්‍රමරත්න පැවසීය.
පොලිස්පතිවරයා එහිදී සඳහන් කළේ ඊයේ (27) කෝපා කමිටුව රැස්වූ අවස්ථාවේදී අදහස් දක්වමිනි.
එහිදී වැඩිදුරටත් අදහස් දකවමින් පොලිස්පතිවරයා කියා සිටියේ ශ්‍රී ලංකාවේ සිංහල බෞද්ධ හැර අන්‍ය ජාතීන්ගේ නියෝජනයක්ද එම තනතුරට පත්වනු දැකීමද තමන්ගේ අපේක්ෂාවක් බවයි.
මෙතෙක් පොලීසිය පුරුෂාධිපත්‍ය සහිත ආයතනයක් පවත්වාගෙන ගියත් දැන් එම ක්‍රමවේදය වෙනස් විය යුතු අතර පොලිස් දෙපාර්තමේන්තුවේ සියලු දෙනාම කාන්තා පොලිස්පතිවරියක් යටතේ වැඩ කිරීමට සූදානම් විය යුතු බවයි ඔහු විසින් එහිදී වැඩිදුරටත් අවධාරණය කළේ.
මේ සියල්ලට එරෙහිව තමන්ට ඇති එකම බාධකය වන්නේ, පොලිස් දෙපාර්තමේන්තුවේ කාන්තා නිලධාරිනියන්ගේ හිඟය බවයි පොලිස්පතිවරයා පවසා සිටියේ.