මුලතිව් සිලාවත්ත හන්දිය ප්රදේශයේ නිවසක් තුළදී පහරදී පුද්ගලයෙකු ඝාතනය කර තිබේ.
පසුගිය 28 වැනිදා අලුයම් කාලයේ මෙලෙස ඝාතනයට ලක්ව ඇත්තේ, 65 හැවිදිරි පුද්ගලයෙකි.
ඔහු සිය නිවසේ තම බිරිඳ හා ඥාති පුද්ගලයෙකු ද සමග පදිංචිව සිට ඇති අතර ඔවුන් නිදා සිටියදී, අලුයම් කාලයේ පුද්ගලයින් කිහිපදෙනෙකු නිවසට ඇතුළු වී නිවැසියන්ට පහර දී, නිවසේ තිබූ පවුම් 12 ක පමණ රන් භාණ්ඩ හා රුපියල් 50,000/- ක් කොල්ලකා පලාගොස් ඇතැයි පොලිසිය කළ විමර්ශනවලදී හෙළි වී තිබේ.
පොලිසිය ප්රකාශ කළේ, සැකකරුවන් කළ පහරදීම හේතුවෙන් මෙම පුද්ගලයා එම ස්ථානයේදීම මිය ගොස් ඇති බවයි.
සැකකරුවන් අත්අඩංගුවට ගැනීම සඳහා මුලතිව් පොලීසිය වැඩිදුර විමර්ශන සිදු කරයි.