මුලතිව්, කෝකිලායි ප්‍රදේශයේ බුදු මැදුරක තිබූ බුද්ධ ප්‍රතිමාවකට හානි කළ පුද්ගලයෙකු කෝකිලායි පොලිසිය විසින් අත්අඩංගුවට ගෙන තිබෙනවා.
කෝකිලායි ප්‍රදේශයේ බුද්ධ ප්‍රතිමාවක් කඩා දමා ඇති බවට පොලිසියට ලද තොරතුරකට අනුව පොලිසිය පරීක්ෂණ ආරම්භ කොට ඇති අතර ඒ අනුවයි අදාළ සැකකරු අත්අඩංගුවට ගෙන ඇත්තේ.
මෙලෙස අත්අඩංගුවට ගත් සැකකරු මීගමුව ප්‍රදේශයේ සිට කෝකිලායි ප්‍රදේශයට මසුන් ඇල්ලීම සදහා පැමිණ සිටි අයෙකු බවයි පොලිසිය සඳහන් කළේ. ඔහු වයස අවුරුදු 33ක පුද්ගලයෙක් වන අතර සැකකරු සම්බන්ධයෙන් සහ සිද්ධිය සම්බන්ධයෙන් කෝකිලායි පොලිසිය වැඩිදුර පරීක්ෂණ පවත්වනු ලබනවා.
