හදා වඩා ගැනීමට නොහැකි මාස 3ට අඩු දරුවන් භාරදීම සඳහා පළාත් මට්ටමින් කවුළු පිහිටුවීමට තීරණය කර ඇති බව පරිවාස හා ළමාරක්ෂක දෙපාර්තමේන්තුව පවසයි.
ඊට අදාළ නීති කඩනමින් සම්පාදනය කරන බවත් දරුවන් විවිධ හිරිහැරයන්ට ලක්වීම, ඝාතනය වීම් හා මහගම දමා යාමේ සිද්ධි සම්බන්ධයෙන් අවධානය යොමු කරමින් මෙම කඩිනම් තීරණයට එළඹි බවත් එම දෙපාර්තමේන්තුව වැඩිදුරටත් සඳහන් කළේය.
දැනට පවතින නීතිය අනුව දරුවන් අතහැර යන මව්පියන්ට එරෙහිව නීතිමය ක්‍රියාමාර්ග ගත හැකි බවත් නව සංශෝධන අනුව දරුවන් භාර ගැනීමේ කවුළු වෙත සිය දරුවන් භාර දෙන මව්පියන්ට එරෙහිව නීතිමය ක්‍රියාමාර්ග නොගන්නා බවත් පරිවාස හා ළමාරක්ෂක දෙපාර්තමේන්තුව පැවසීය.