මගනැගුම ව්‍යාපෘතිය යටතේ පවතින සමාගම් 04ක් විසුරුවා හැරීමට කටයුතු කළ බව ප්‍රවාහන හා මහාමාර්ග අමාත්‍ය බන්දුල ගුණවර්ධන පැවසීය.
අමාත්‍යවරයා මේ බව ප්‍රකාශ කළේ අද (03) පෙරවරුවේ රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදී මාධ්‍යවේදීයෙකු නැගූ ප්‍රශ්නයකට පිළිතුරු ලබාදෙමිනි.
ඒ අනුව අධිවේගී බස් ප්‍රවාහන සමාගම, ලංකා ගමනාගමන මණ්ඩලයට අනුයුක්ත කිරීමට නියමිත බවත් එම ආයතන පවත්වාගෙන යෑමට අවශ්‍ය මුදල් ප්‍රතිපාදන නොමැති වීම හේතුවෙන් එම තීරණය ගත් බවත් අමාත්‍යවරයා එහිදී කියා සිටියේය.