ඉදිරි වසර පහ තුළ පුද්ගලයන් සහ සමාගම් මත පනවා ඇති බදු බර ක්‍රමානුකූලව අඩු කිරීමට පියවර ගන්නා බව මුදල් රාජ්‍ය අමාත්‍ය රංජිත් සියඹලාපිටිය පැවසීය.
කරවනැල්ල ප්‍රදේශයේ පැවති වැඩසටහනකින් අනතුරුව මාධ්‍ය වෙත අදහස් දක්වමින් රාජ්‍ය අමාත්‍යවරයා මේ බව කියා සිටියේය.
ඒ අනුව ඉදිරි වසරවලදී දළ දේශීය නිෂ්පාදිතයෙන් සියයට 128 සිට සියයට 95 දක්වා ණය අනුපාතය අඩු කිරීමට අපේක්ෂා කෙරෙන බවත් රට තරමක් සමතුලිත ආර්ථික තත්ත්වයකට පැමිණි විට පවතින බදු ක්‍රමානුකූලව අඩු කරන බවත් ඔහු එහිදී අවධාරණය කළේය.