ලොව වැඩිම ආදායමක් උපයන ක්‍රීඩකයන්ගේ ලැයිස්තුවේ පළමු ස්ථානයට සුපිරි පාපන්දු ක්‍රීඩක ක්‍රිස්ටියානෝ රොනාල්ඩෝ පත් වී තිබේ.
ෆෝබ්ස් සඟරාව මේ බව නිවේදනය කර ඇති අතර පසුගිය මාස 12 තුළ රොනාල්ඩෝගේ ආදායම ඩොලර් මිලියන 136ක් ලෙස සටහන් වී ඇත.
2023 වසරේදී සෞදි අරාබියේ අල් නසාර් පාපන්දු ක්‍රීඩා සමාජය සමග ගිවිසුම්ගත වීමෙන් පසුව ඔහු මෙලෙස වැඩිම ආදායමක් උපයන ක්‍රීඩකයා බවට පත් වීම විශේෂත්වයකි.
ලොව වැඩිම ආදායමක් උපයන ක්‍රීඩකයන්ගේ ලැයිස්තුවේ දෙවන ස්ථානයේ අර්ජන්ටිනා පාපන්දු ක්‍රීඩක මෙසී පසුවන අතර තුන්වන ස්ථානයේ ප්‍රංශ පාපන්දු ක්‍රීඩක කිලියාන් ම්බාපේ පසුවෙයි.