සංචාරකයින් ආකර්ෂණය කර ගැනීම සඳහා නුවරඑළියේ කේබල් කාර් ව්‍යාපෘතියක් ආරම්භ කරන බව සංචාරක සංවර්ධන අධිකාරිය පවසයි.
මෙම ව්‍යාපෘතිය ආරම්භ කිරීම සඳහා අවශ්‍ය අධ්‍යයනයන් සිදුකරමින් පවතින බව එම අධිකාරියේ සභාපති සම්පත් ප්‍රසන්න ප්‍රනාන්දු සඳහන් කළේය.
ශ්‍රී ලංකාවට පැමිණෙන සංචාරකයින්ගේ විනෝදාස්වාදය වැඩිදියුණු කිරීම සඳහා මෙම ව්‍යාපෘතිය හඳුන්වා දෙන බවත් මේ අනුව සංචාරක සංවර්ධන අධිකාරිය නව ව්‍යාපෘති රැසක් හඳුන්වා දීමට පියවර ගෙන ඇති බවත් ඔහු අවධාරණය කළේය.
මීට අමතරව ලෝක ප්‍රකට සංගීත කණ්ඩායම් ශ්‍රී ලංකාවට කැඳවා රාත්‍රියේ සංගීත වැඩසටහන් ඉදිරිපත් කිරීමට බලාපොරොත්තු වන බව සංචාරක සංවර්ධන අධිකාරියේ සභාපති සම්පත් ප්‍රසන්න ප්‍රනාන්දු පැවසීය.