රජයේ රෝහල්වල සේවයේ නියුතු ලියාපදිංචි වෛද්‍යවරු 350කට ආසන්න පිරිසක් ලබන මාසයේදී එකවර විශ්‍රාම යාමට නියමිතය.
මේ හේතුවෙන් මේරට ග්‍රාමීය රෝහල් රැසක් වැසී යෑමේ දැඩි අවදානමක් පවතින බවයි සෞඛ්‍ය අමාත්‍යංශය පවසන්නේ.
මෙලෙස ලියාපදිංචි වෛද්‍යවරු 350 දෙනෙකු එකවර විශ්‍රාම ලැබුවහොත් අවම වශයෙන් ග්‍රාමීය රෝහල් 50ක් පමණ වසා දැමීමට සිදුවන බවයි සෞඛ්‍ය අමාත්‍යංශය සඳහන් කරන්නේ.
එමෙන්ම ලියාපදිංචි වෛද්‍යවරු 350ක්, උපාධිධාරි වෛද්‍ය නිලධාරින් 400ක්, විශේෂඥ වෛද්‍යවරු 300ක් ඇතුළු සමස්ත වෛද්‍යවරු 1000කට අධික පිරිසක් මෙම වසරේ දෙසැම්බර් මස වනවිට විශ්‍රාම ගැන්වීමට නියමිතය.