මාතර – වල්ගම ප්‍රදේශයේ වෙළඳසැලකින් ඉන්දියාවෙන් ආනයනය කරන ලද බිත්තර තොගයක් සොයාගෙන තිබේ.
පාරිභෝගික කටයුතු පිළිබඳ අධිකාරියේ සහ සෞඛ්‍ය අමාත්‍යාංශයේ ආහාර පාලන ඒකකයේ නිලධාරීන්ට ලද තොරතුරකට අනුවයි මෙම වැටලීම සිදු කර ඇත්තේ.
ඉන්දියාවෙන් ආනයනය කරනු ලබන බිත්තර සාමාන්‍ය පරිභෝජනය සඳහා වෙළඳසැල් තුළ අලෙවියට අවසර නොදීමටත්, බේකරි නිෂ්පාදන සඳහා පමණක් ලබාදීමට රාජ්‍ය වාණිජ නීතිගත සංස්ථාව අවසර ලබා දුන්නේය.
කුරුළු උණ වෛරසය මෙරටට ඇතුළු වීම වැළැක්වීමේ අරමුණ ඇතිවයි ඔවුන් මෙම තීරණය ගනු ලැබුවේ. වෙළඳසැලේ හිමිකරුගේ සහෝදරයෙකුට බේකරි නිෂ්පාදන ආයතනයක් පවතින බවට තොරතුරු ලැබී ඇති අතර ඒ හරහා අදාළ බිත්තර තොගය වෙළඳසැලට ලැබෙන්නට ඇති බවටටයි සැක කෙරෙන්නේ.