මිනුවන්ගැටේ වල්පාළුව ප්‍රදේශයේ දිය වළක තිබී හමුවූ මල සිරුරු විදුලි සැර වැදීම හේතුවෙන් සිදුවූ මරණ බවට දේහයන් පිළිබදව සිදුකරන ලද අධිකරණ වෛද්‍ය පරීක්ෂණයේදී අනාවරණය වූ බව වාරියපොල පොලිසිය සදහන් කරයි.
පොලිසිය විසින් සිදුකළ විමර්ශනවලදී මියගිය දෙදෙනාට විදුලිසැර වැදී ඇතැයි සැළකෙන ස්ථානයක් හදුනාගෙන ඇත.
එසේ අනවසර විදුලි රැහැන් ඇද තිබූ බවට සැකපිට වයස අවුරුදු 37 ක පුද්ගලයකු පොලිසිය විසින් අත්අඩංගුවට ගන්නා ලදී.
සැකකරු අනවසර විදුලිරැහැන් ඇද පුද්ගලයන් දෙදෙනකු මරණයට පත්කිරීම සහ එසේ මියගිය අයගේ මෘත දේහයන් සැගවීම යන කරුණු මත වාරියපොල මහේස්ත්‍රාත්වරයා හමුවට ඉදිරිපත් කිරාමට නියමිතව තිබිණ.