― political ―

2019 වගේ ආයෙත් පුහු වීරයෙක්ට රැවටෙන්න එපා

මීට වසර 5කට පෙර ජනතාව රැවටී බංකොලොත් වූ බවත් මෙවර අප තීරණ ගත යුත්තේ පවතින බංකොලොත් භාවයෙන් ගොඩ එනවාද නැතිනම් පවතින බංකොලොත්භාවයෙන් තවත් බංකොලොත්භාවයට...
Homeweather'මෝඛා' බංග්ලාදේශය හා මියන්මාරයට ඇතුල් වෙයි

‘මෝඛා’ බංග්ලාදේශය හා මියන්මාරයට ඇතුල් වෙයි

ඊසානදිග බෙංගාල බොක්ක ආශ්‍රිතව ස්ථානගතව පැවති ‘මෝඛා’ අතිශය චණ්ඩ සුළි කුණාටුව ඊයේ (14) දහවල් කාලයේදී ගිණිකොනදිග බංග්ලාදේශය සහ උතුරු මියන්මාර වෙරළ තීරය ආසන්නයෙන් ගොඩබිමට ඇතුල් වුණා.

ඒ අනුව ඉදිරි පැය 24 තුළ එය පීඩන අවපාතයක් සහ අඩු පීඩන කලාපයක් දක්වා දුර්වල වනු ඇති බවයි කාලගුණ අංශ දැනුම් දෙන්නේ. මේ හේතුවෙන් බෙංගාල බොක්ක මුහුදු ප්‍රදේශ සහ දිවයින වටා මුහුදු ප්‍රදේශවල ධීවර කටයුතුවල යෙදෙන විට තවදුරටත් අවධානයෙන් කටයුතු කරන ලෙස ද දැනුම් දෙනවා.

මේ අතර අද (15) දිනයේ දී බස්නාහිර, සබරගමුව, මධ්‍යම සහ වයඹ පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති විය හැකි බවයි කාලගුණ විද්‍යා දෙපාර්තමේන්තුව සඳහන් කරන්නේ.

එමෙන්ම දිවයින පුරා විටින් විට හමන පැයට කිලෝමීටර් 40-45 ක පමණ තද සුළං දා ඇතිවිය හැකි බවට දැනුම් දෙනවා.