මෙරටට පැමිණි ගුවන් මගියෙකුගේ ගමන් මලු තුළ සඟවා තිබියදී රත්තරන් කිලෝග්‍රෑම් 2ක් සොයා ගෙන තිබේ.
ශ්‍රී ලංකා රේගුවේ මත්ද්‍රව්‍ය පාලන ඒකකයට අනුයුක්ත නිලධාරීන් විසින් සිදු කරන ලද පරීක්ෂාවකදී මෙම රත්තරන් සොයා ගෙන ඇති අතර ඩුබායි සිට මෙරටට පැමිණි මගියෙකුගේ බෑග් පරික්ෂා කිරීමේදීයි මෙම රත්තරන් හමු වී ඇත්තේ.
එම රත්තරන් කම්බි ආකාරයෙන් සකස් කර ගමන් මලු තුළ සඟවා මෙරටට ගෙනැවිත් ඇති අතර එම රත්තරන්වල වටිනාකම රුපියල් මිලියන 43 ක් වන බවටයි ගණන් බලා ඇත්තේ.