9.6 C
London
Tuesday, May 30, 2023

14 හැවිරිදි පිරිමි ළමයාගේ අපයෝජන චෝදනාව බොරුවක් බව ඔප්පු වෙයි

මහ මග අතරමංව සිටි වයස අවුරුදු 14ක දරුවෙකු යන්තම්පලාව නගරයේදී මූල්‍ය ආයතනයක පිරිසක් විසින් අපයෝජනයට ලක් කළ බවට වාර්තා වු පුවත සම්පූර්ණයෙන් අසත්‍යයක් බව පොලිසිය පවසනවා.

පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව මහතා ප්‍රකාශ කළේ මෙම ළමයා මානසික ආබාධයකින් පෙළෙන අයෙක් බවට හෙළිවී ඇති බවයි.

ඔහු කිසිදු ආකාරයකින් අපයෝජනයට ලක්වී නොමැති බවට අධිකරණ වෛද්‍ය වාර්තාවෙන් තහවුරු වී ඇතැයි පොලිස් මාධ්‍ය ප්‍රකාශකවරයා සඳහන් කළා.

කාත්තන්කුඩි ප්‍රදේශයේ පදිංචි 14 හැවිරිදි මෙම පිරිමි ළමයා පෙරේදා (17) නිවසින් පිටත්ව කුරුණෑගල ප්‍රදේශයට පැමිණ ඇති අතර ඔහු යළිත් බස් රථයකට නැග ඇත්තේ නිවසට යාමේ අපේක්ෂාවෙන්.

ඔහු වැරදි බස් රථයකට ගොඩවී ඇති අතර ඒ බව අවබෝධකරගත් එහි කොන්දොස්තර ළමයාට උපදෙස් දී ඇත්තේ බස් රථයෙන් බසින ලෙසටයි.

ඒ අනුව ඔහු යන්තම්පලාව ප්‍රදේශයේදී බස් රථයෙන් බැස තිබෙනවා. පසුව මහ මඟ ගමන් කරමින් ඔහු එම ප්‍රදේශයේ මූල්‍යායතනයක් වෙත ගොස් ඇතැයි සඳහන්.

එහිදී යතුරුපැදියක් මිලදී ගැනීමට අවශ්‍ය බව පවසමින් පස්වරු 5.30ට පමණ එම ආයතනය තුළට යන ඔහු නිලධාරීන් ද සමග යතුරුපැදි පරික්ෂා කරන ආකාරය CCTV කැමරාවල සටහන්වී තිබෙනවා.

එහි දැක්වෙන ආකාරයට ඔහු යතුරුපැදියකට නැඟ එය පණගන්වා හිස් ආවරණයක් ද පැළඳ එය ධාවනය කරන්නට ද උත්සාහ කර තිබුණා.

මූල්‍ය ආයතනයේ නිලධාරීන්ට මොහු පිළිබඳ සැකයක් මතුවී ඇත්තේ ඔහුගේ හැසිරීමේ යම් අසාමාන්‍ය බවක් දක්නට ලැබීම හේතුවෙන්.

පසුව ආයතන නිලධාරීන් සිය ආයතන පරිශ්‍රයෙන් මෙම ළමයා පිටත්කර හැර තිබෙනවා.

අනතුරුව පස්වරු 6ට පමණ නගරයට පැමිණි ළමයා මහ මඟ සිටි පිරිසකට පවසා ඇත්තේ මුල්‍ය ආයතනයේ පිරිසක් තමා ලිංගික අපයෝජනයට ලක් කළ බවයි.

ඔහුගේ එම ප්‍රකාශයෙන් ප්‍රකෝප වූ පිරිස් එම මුල්‍ය ආයතනයට ඊයේ කඩා වැදී තිබූ අතර එහිදී දැඩි නොසන්සුන් තත්ත්වයක් හටගෙන තිබුණා.

කුරුණෑගල පොලිසියේ නිලධාරීන් ද එහිදී එම පරිශ්‍රයට පැමිණෙන අතර ඔවුන් විමර්ශන ආරම්භ කළා.

අදාළ පිරිමි ළමයා සිය භාරයට ගත් පොලිස් නිලධාරීන් ඔහු අධිකරණ වෛද්‍යවරයා වෙත යොමුකර ඇති අතර එහිදී අනාවරණ වී ඇත්තේ කිසිඳු ආකාරයකින් ලිංගික හිරිහැර හෝ අතවරයක් සිදුවී නොමැති බවයි.

Latest

“ජනතාවට සේවය කිරීමට ඇමැතිකම් ඕනේ නැහැ”

ජනතාවට සේවය කිරීමට ඇමැතිකම් අවශ්‍ය නැති බවත් තම අමාත්‍ය...

මොහු ගැන දන්නවා නම් පොලීසිය අමතන්න

පසුගිය මැයි 20 වැනිදා බොරැල්ල පොලිස් වසමේ ලෙස්ලි රණගල...

ගොඩවෙල්ලා පණු රෝගය ගැන දැනුම්දීමක්

මේ වනවිට දිවයිනේ ප්‍රදේශ කිහිපයකින් ගොඩවෙල්ලා නැමැති Spodoptera කාණ්ඩයට...

වහලෙට නැග උපවාස කළ රැඳවියා විජලනයෙන් රෝහලට

යාපනය බන්ධනාගාරයේ රඳවා සිටින රැඳවියෙකු ආහාර වර්ජනය කරමින් බන්ධනාගාරයේ...

Don't miss

“ජනතාවට සේවය කිරීමට ඇමැතිකම් ඕනේ නැහැ”

ජනතාවට සේවය කිරීමට ඇමැතිකම් අවශ්‍ය නැති බවත් තම අමාත්‍ය...

මං ඉල්ලා අස්වෙන්නේ නැහැ – අලි සබ්රි

තමන් කිසිසේත්ම මන්ත්‍රී ධුරයෙන් ඉල්ලා අස්වීමට සූදානම් නැති බව...

තොණ්ඩමන්ගේ ගුණ සමරමින් විශේෂ සමරු මුද්දරයක්

හිටපු අමාත්‍යවරයෙකු මෙන්ම ලංකා කම්කරු කොංග්‍රසයේ හිටපු නායක සහ...

ජූනි 8 කොළඹදී දැවැන්ත විරෝධතාවක් පවත්වනවා

යළි මැතිවරණයක් සඳහා වන ප්‍රචාරක කටයුතු ලබන මාසයේ ආරම්භ...

අලුත් ඇමතිවරු මේ සතියේ පත් කරයිද?

ඉදිරි දින කිහිපය තුළ කැබිනට් අමාත්‍ය ධුර 02ක වෙනසක්...

විවාහ මංගල්‍යට සූදානම් වෙමින් සිටි මනමාලියට ඇසිඩ් ප්‍රහාරයක්

අද (27) දිනයේ තම විවාහ මංගල්‍යට සූදානම් වෙමින් සිටි තරුණියක් ඇසිඩ් ප්‍රහාරයකට ලක්ව බරපතළ තත්ත්වයෙන් මාතර මහ රෝහලට ඇතුළත් කර තිබෙනවා. වැලිගම පොලිස් වසමේ මදුරාගොඩ...

බුදුදහමට අපහාස වන ප්‍රකාශ සිදුකළ නතාෂාට එරෙහිව CIDයට පැමිණිල්ලක්

බෞද්ධ දර්ශනයට හා බෞද්ධ සංස්කෘතියට අගෞරව වන ලෙස දේශන පැවැත්වූ නතාෂා එදිරිසූරිය නමැති කාන්තාවට එරෙහිව අපරාධ පරික්ෂණ දෙපාර්තමේන්තුවට පැමිණිල්ලක් ඉදිරිපත්ව තිබෙනවා. අල්ලසයට, දූෂණයට, නාස්තියට එරෙහි...

අකුණු සැර වැදීමෙන් තරුණයන් දෙදෙනකු ජීවිතක්ෂයට

බුත්තල ගෝනගංආර වගුරුවෙල ප්‍රදේශයේ කුඹුරු ඉඩමකදී අකුණු සැර වැදීමෙන් තරුණයන් දෙදෙනකු ජීවිතක්ෂයට පත් වී තිබෙනවා. අද පස්වරුවේ කුඹුරේ වගා කටයුතුවල නිරත වෙමින් සිටියදී ඔවුන්ට අකුණු...

LEAVE A REPLY

Please enter your comment!
Please enter your name here