ත්‍රිපෝෂ නිෂ්පාදනයට බඩඉරිඟු ආනයනය කිරීමේ දී බදු සහනයක් ලබා දීමට රජය තීරණය කර තිබෙනවා.
මුදල් අමාත්‍යාංශය සඳහන් කළේ, මෙම බදු සහන ලංකා ත්‍රිපෝෂ සමාගම සඳහා ලබා දී ඇති බව යි.
ඒ අනුව බඩඉරිඟු ආනයනය කිරීමේ දී කිලෝග්‍රෑම් එකක් සඳහා අයකළ රුපියල් 75 ක් වූ විශේෂ වෙළෙඳ භාණ්ඩ බද්ද රුපියල් 25ක් දක්වා අඩු වේ.
එය මැයි මස 18 වනදා සිට ක්‍රියාත්මක වන පරිදි අදාළ බදු සංශෝධනය සිදුකර ඇත්තේ.
මේ අතර, රටඉඳි ආනයනය කිරීමේ දී ලබා දී තිබූ බදු සහනය මැයි මස 18 වනදා සිට ක්‍රියාත්මක වන පරිදි ඉවත් කිරීමට මුදල් අමාත්‍යාංශය පියවර ගෙන තිබෙනවා.