අද (20) උදෑසන බොරැල්ල, ලෙස්ලි රණගල මාවතේ දී සිදුකළ වෙඩි තැබීමකින් තුවාල ලැබූ පුද්ගලයා ජීවිතක්ෂයට පත්ව ඇති බව වාර්තා වනවා.
වෙඩි තැබීමෙන් මියගොස් ඇත්තේ කැළණිය ප්‍රදේශයේ පදිංචි වයස අවුරුදු 53ක පුද්ගලයෙක් බවයි පොලිසිය සඳහන් කළේ.
යතුරුපැදියෙන් පැමිණි දෙදෙනෙක් ටී-56 වර්ගයේ ගිනි අවියකින් මෙම වෙඩි තැබීම සිදුකර ඇති බයි වාර්තා වන්නේ.
අදාළ පුද්ගලයා පිරිසුදු කිරීමේ සේවකයන්ට වැටුප් ගෙවීම සඳහා පැමිණ සිටිය දී මෙම වෙඩි ප්‍රහාරයට ලක්ව ඇති බවයි අනාවරණය වී ඇත්තේ.
වෙඩි තැබීමට හේතුව මෙතෙක් හෙළි වී නැහැ.