24 C
Colombo
Friday, April 4, 2025

― political ―

ජාතික ජන බලවේගයේ පක්ෂ නායකයින් අද මැතිවරණ කොමිසම හමුවට

ජාතික ජන බලවේගයේ පක්ෂ ලේකම් වෛද්‍ය නිහාල් අබේසිංහ මහතා ඇතුළු පක්ෂ නායකයින් පිරිසක් අද (19) මැතිවරණ කොමිසම හමුවීමට නියමිතය. පළාත් පාලන මැතිවරණ පැවැත්වීමේ සුදානම...
HomeHot Newsවිදෙස් රැකියා සිහින පෙන්වා මුදල් ගැරූ කාන්තාවක් අත්අඩංගුවට

විදෙස් රැකියා සිහින පෙන්වා මුදල් ගැරූ කාන්තාවක් අත්අඩංගුවට

විදේශ රැකියා ලබාදෙන බව පවසා පුද්ගලයන් රැසකගෙන් රුපියල් ලක්ෂ 81ක් වංචා කර සැඟව සිටි කාන්තාවක් විදේශ සේවා නියුක්ති කාර්යාංශයේ විමර්ශන අංශය විසින් අත්අඩංගුවට ගෙන තිබෙනවා.

බලපත්‍රලාභී විදේශ රැකියා නියෝජිත ආයතනයක් පවත්වාගෙන යන සැකකාරිය ඊශ්‍රායලය හා කටාර් රාජ්‍යයන්වල සාත්තු සේවයේ සහ හෝටල්වල රැකියා ලබාදෙන බව පවසා පුද්ගලයන් 33 දෙනෙකුගෙන් මෙම මුදල් ලබාගෙන ඇති බවටයි විමර්ශනවලදී අනාවරණය වී ඇත්තේ.

එලෙස මුදල් වංචා කිරීම සම්බන්ධයෙන් විදේශ සේවා නියුක්ති කාර්යාංශය මගින් හලාවත අධිකරණයට කරන ලද පැමිණිල්ලක් අනුව සැකකාරිය අත්අඩංගුවට ගැනීමේ නියෝගයක් ද ලැබී තිබුණා.

ඒ අනුවයි හලාවත ප්‍රදේශයේ පදිංචි 45 හැවිරිදි සැකකාරිය නිකවැරටිය ප්‍රදේශයේ දී අත්අඩංගුවට ගෙන ඇත්තේ.

විදේශ සේවා නියුක්ති කාර්යංශයේ විමර්ශන අංශයේ නිලධාරීන් කණ්ඩායමක් විසින් සැකකාරිය මෙලෙස අත්අඩංගුවට ගෙන තිබෙනවා.

ඇය අධිකරණයට ඉදිරිපත් කිරීමට නියමිතයි.