තමා සිදු කළ ප්‍රකාශයෙන් බෞද්ධ, හින්දු, මුස්ලිම් සහෝදර සහෝදරියන්ට කිසියම් සිත් රිදවුමක් වූයේ නම් ඒ පිළිබඳව සමාව අයදින බව දේවගැති ජෙරම් ප්‍රනාන්දු පවසයි.
සිංගප්පූරුවේ සිට සූම් තාක්ෂණය ඔස්සේ ඉරිදා දේව මෙහෙයට එක්වෙමින් හෙතෙම මේ බව සඳහන් කළේය.
එහිදී ඔහු වැඩිදුරටත් සඳහන් කළේ තමන්ගේ ප්‍රකාශය පිළිබඳව සිත් රිදීමක් වූයේ නම් ඒ ගැන සමාව අයදින නමුත් තමා කළ ප්‍රකාශය අසත්‍ය නොවන බවයි.
තමා නැවත ලංකාවට පැමිණෙන බවත් තමාගේ නීතිඥයන් අවශ්‍ය කටයුතු කරමින් සිටින බවත් එහිදී දේවගැතිවරයා අවධාරණය කළේය.