පාසල් දැරියන් අපයෝජනය කිරීමේ චෝදනාව මත උපකාරක පන්ති ගුරුවරයෙකු අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ පොළොන්නරු ප්‍රදේශයේ 41 හැවිරිදී උපකාරක පන්ති ගුරුවරයෙක් වන අතර ඔහු මේ මස 29 වැනිදා දක්වා රක්ෂිත බන්ධනාගාර ගතකර ඇත.
ඉකුත් ජනවාරි මාසයේ සිට අවස්ථා ගණනාවකදීම මෙම උපකාරක පන්ති ගුරුවරයා විසින් පාසල් දැරියන් අපයෝජනයට ලක් කර ඇති බව අනාවරණය වී ඇති අතර එලෙස අපයෝජනයට ලක් වූ දැරියන් 6 දෙනෙකුගේ දෙමාපියන් විසින් පොළොන්නරුව පොලිසියට මේ පිළිබඳව පැමිණිලි කර තිබේ. ඒ අනුවයි මොහු අත්අඩංගුවට ගෙන ඇත්තේ.
ඔහු පොළොන්නරුව මහේස්ත්‍රාත් අධිකරණයට ඉදිරිපත් කිරීමෙන් අනතුරුව රක්ෂිත බන්ධනාගාරගත කිරීමට නියම කර තිබේ.