මිහින්තලාව ප්‍රමුඛ රාජ්‍ය පොසොන් පුණ්‍යෝත්සවය සඳහා මූල්‍ය ලෙස හෝ කිසිඳු ආකාරයක අඩුපාඩුවක් රජය පාර්ශ්වයෙන් සිදුනොවන බව අග්‍රාමාත්‍ය දිනේෂ් ගුණවර්ධන අද (23) පාර්ලිමේන්තුවේදී ප්‍රකාශ කළේය.
අග්‍රාමාත්‍යවරයා මේ බව සඳහන් කළේ විපක්ෂ නායක සජිත් ප්‍රේමදාස පාර්ලිමේන්තුවේදී යොමු කළ පැනයකට පිළිතුරු දෙමිනි.
රජයේ මූල්‍ය කළමනාකරණ හේතුවෙන් මෙවර රාජ්‍ය පොසොන් උත්සවය සදහා ප්‍රතිපාදන නොලැබෙන තත්ත්වයක් පැවතීම කණගාටුවට කරුණක් බව ඓතිහාසික මිහින්තලා රජමහා විහාරාධිපති පූජ්‍ය වලවාහැංගුනවැවේ ධම්මරතන නා හිමියන් පසුගිය දා සඳහන් කළා.
උන්වහන්සේ එහිදී සඳහන් කර සිටියේ උදාවන රාජ්‍යය පොසොන් සතිය සඳහා මේ වන තෙක් ජනාධිපති කාර්යාලය, අග්‍රාමාත්‍ය කාර්යාලය , සංස්කෘතික සහ බෞද්ධ කටයුතු දෙපාර්තමේන්තුව මෙන්ම දිස්ත්‍රික් ලේකම්වරයා ඇතුළු ඉහළ රාජ්‍ය නිලධාරීන් ද රාජ්‍ය පොසොන් උත්සවය මඟහැර ඇති බවයි.