උද්ධමනය මධ්‍යස්ථ වීම, විනිමය අනුපාතිකය ස්ථාවර වීම සහ මහ බැංකුව සිය සංචිත නැවත ගොඩ නැගීම සමඟ රටේ සාර්ව ආර්ථික තත්ත්වය වැඩිදියුණු වීමේ තාවකාලික ධනාත්මක ලකුණු පෙන්නුම් කරන බව ජාත්‍යන්තර මූල්‍ය අරමුදල පවසයි.
ඔවුන් සිය ශ්‍රී ලංකා සංචාරය අවසන් කරමින් මේ බව පවසා ඇත්තේ නිවේදනයක්ද නිකුත් කරමිනි.
එහෙත් එම නිවේදනයේ දැක්වෙන්නේ සමස්ත සාර්ව ආර්ථික සහ ප්‍රතිපත්තිමය පරිසරය තවමත් අභියෝගාත්මකව පවතින බවයි.
එම නිවේදනය මෙසේය.
“මෙම සංචාරයේදී අපි මෑතකාලීන සාර්ව ආර්ථික සහ මූල්‍ය අංශයේ වර්ධනයන් පිළිබඳව සාකච්ඡා කළෙමු. ශක්තිමත් ප්‍රතිපත්ති ප්‍රයත්නයන්ගෙන් පසුව, උද්ධමනය මධ්‍යස්ථ වීම, විනිමය අනුපාතිකය ස්ථාවර වීම සහ මහ බැංකුව සංචිත ප්‍රතිස්ථාපන ප්‍රතිස්ථාපන සමඟ ශ්‍රී ලංකාවේ සාර්ව ආර්ථික තත්ත්වය වැඩිදියුණු වීමේ තාවකාලික ලකුණු පෙන්නුම් කරයි. කෙසේ වෙතත්, සමස්ත සාර්ව ආර්ථික සහ ප්‍රතිපත්තිමය පරිසරය අභියෝගාත්මකව පවතී” යැයි ඔවුන් නිකුත් කළ නිවේදනයේ දැක්වෙයි.
අරමුදල් අනුග්‍රහය සහිත වැඩසටහන යටතේ ප්‍රධාන වගකීම් ඉටුකිරීම සඳහා බලධාරීන්ගේ අඛණ්ඩ උත්සාහයන් අපි සාදරයෙන් පිළිගනිමු. 2023 සැප්තැම්බරයේදී සිදුකිරීමට බලාපොරොත්තු වන විස්තීරණ අරමුදල් පහසුකම් විධිවිධානයේ පළමු සමාලෝචනයේ සන්දර්භය තුළ වැඩසටහන යටතේ කාර්ය සාධනය විධිමත් ලෙස තක්සේරු කරනු ලැබේ. සාර්ථක ආදායම් බලමුලු ගැන්වීම සහතික කිරීම සඳහා තීරනාත්මක වන අතිරේක රාජ්‍ය මූල්‍ය ප්‍රයත්නයන් පිළිබඳව මෙහෙවර සාකච්ඡා කරන ලදී.
විදේශීය සහ දේශීය ණය හිමියන් සමඟ සිදුවෙමින් පවතින සාකච්ඡා සැලකිල්ලට ගනිමින් ණය ප්‍රතිව්‍යුහගත කිරීමේ ප්‍රගතිය පිළිබඳව ද අපි සාකච්ඡා කළෙමු. පළමු සමාලෝචනය වන විට වැඩසටහන් ඉලක්කවලට අනුකූලව ණයහිමියන් සමඟ කාලානුරූපී ප්‍රතිව්‍යුහගත ගිවිසුම් සාක්ෂාත් කර ගැනීම ණය තිරසාරභාවය ප්‍රතිෂ්ඨාපනය කිරීම සඳහා අත්‍යවශ්‍ය වේ. ශ්‍රී ලංකාව ආර්ථික අර්බුදයෙන් ගොඩ ඒම සඳහා මහ බැංකු ස්වාධීනත්වය සහතික කිරීම, පාලනය වැඩිදියුණු කිරීම සහ අවදානමට ලක්වූවන් ආරක්ෂා කිරීම ඇතුළුව ප්‍රතිසංස්කරණ ගම්‍යතාව පවත්වා ගැනීම සහ වැඩසටහන් බැඳීම් කාලෝචිත ලෙස ක්‍රියාත්මක කිරීම සහතික කිරීම වැදගත් වෙයි.”