― political ―

මං රට භාරගත්තේ ආර්ථිකය අලුතින් ගොඩනැගීමටයි

තමා රට භාරගත්තේ රටේ ආර්ථිකය අලුතින් ගොඩනැගීමට බවත් එමගින් රටේ ගොවි ජනතාවගේ ජීවිත ද නව පරිවර්තනයකට ලක්වන බවත් ජනාධිපති රනිල් වික්‍රමසිංහ පවසනවා. ජනාධිපතිවරයා මේ බව...
HomeNewsPoliticalඅලි සබ්රිට පාර්ලිමේන්තුව තහනම් කළ යුතුයි

අලි සබ්රිට පාර්ලිමේන්තුව තහනම් කළ යුතුයි

පාර්ලිමේන්තු මන්ත්‍රී අලි සබ්රි රහීම් පාර්ලිමේන්තු මන්ත්‍රී ධුරයෙන් ඉවත් කිරීම සඳහා යෝජනාවක් ඉදිරිපත් කළ යුතු බවට පක්ෂ නායකයින් තීරණය කර තිබෙනවා.

විපක්ෂයේ පාර්ලිමේන්තු මන්ත්‍රී මනෝ ගනේෂන් ප්‍රකාශ කළේ අද (26) රැස්වූ පාර්ලිමේන්තු කටයුතු පිළිබඳ කාරක සභාව විසින් මෙම තීරණය ගත් බවයි. පාර්ලිමේන්තු මන්ත්‍රී අලි සබ්රි රහීම් පාර්ලිමේන්තුවෙන් ඉවත් කරන ලෙසට කථානායකවරයාගෙන් ඉල්ලා සිටීමට පක්ෂ නායකයින් තීරණය කළ බවයි පාර්ලිමේන්තු මන්ත්‍රී මනෝ ගනේෂන් මහතා ප්‍රකාශ කළේ.

එම රැස්වීමේදී හිටපු කථානායක චමල් රාජපක්ෂ පෙන්වා දී ඇත්තේ එවැනි ක්‍රියාමාර්ගයක් ගැනීමට කථානායකවරයාට බලය ඇති බවයි. මේ අතර මේ වන විටත් අලි සබ්රි රහීම්ට එරෙහිව විපක්ෂ නායක සජිත් ප්‍රේමදාස සහ පාර්ලිමේන්තු මන්ත්‍රීවරුන් වන මනෝ ගනේෂන්, එම්.ඒ.සුමන්තිරන්, ලක්ෂ්මන් කිරිඇල්ල යන අය විසින් කථානායකවරයාට පෙත්සමක් භාරදී ඇති බව විපක්ෂයේ මන්ත්‍රීවරුන් ප්‍රකාශ කළා.

අලි සබ්රි රහීම් මන්ත්‍රීවරයා ආණ්ඩු පක්ෂයේ මන්ත්‍රීවරයෙක් වන බැවින් ඔහුව පාර්ලිමේන්තුවෙන් නෙරපීමට එකඟ වී රජය කටයුතු ආරම්භ කළ යුතු බවයි මනෝ ගනේෂන් මන්ත්‍රීවරයා වැඩිදුරටත් කියා සිටියේ.

පුත්තලම දිස්ත්‍රික් පාර්ලිමේන්තු මන්ත්‍රී අලි සබ්රි රහීම් පසුගිය අඟහරුවාදා ඩුබායි සිට කටුනායක ගුවන්තොටුපළට පැමිණි අවස්ථාවේදී නීතිවිරෝධීව රත්‍රන් සහ ජංගම දුරකථන රැගෙන ඒමේ චෝදනාවට රේගු නිලධාරීන් විසින් රඳවා තබා ගනු ලැබුවා.

ඔහු සතුව තිබී කිලෝග්‍රෑම් 3කට වැඩි බරැති ප්‍රකාශ නොකළ රත්‍රන් තොගයක් සොයා ගනු අතර ඔහුගේ ගමන් මල්ලේ තිබූ ස්මාර්ට් ජංගම දුරකථන 91ක් හමුවී තිබුණා. අදාළ රත්‍රං තොගය සහ ජංගම දුරකතනවල වටිනාකමක රුපියල් කෝටි අට හමාරකට අධික බව සඳහන්.

මුදල් රාජ්‍ය අමාත්‍යවරයා පැවසුවේ ප්‍රකාශ නොකළ රත්‍රං සහ ජංගම දුරකථන රාජසන්තක කර පාර්ලිමේන්තු මන්ත්‍රී අලි සබ්‍රි රහීම්ට රුපියල් ලක්ෂ 75 ක දඩයක් ද පනවා නිදහස් කළ බවයි.