පමුණුගම තල්දියවත්ත මුහුදු තීරයේ දිය නෑමට ගිය පුද්ගලයින් දෙදෙනකු අතුරුදන් වී තිබේ.
පොලීසිය පැවසුවේ ඊයේ (28) දහවල් කාලයේදී පමුණුගම පොලිස් වසමේ තල්දියවත්ත ප්රදේශයේ දිය නාමින් සිටි තරුණයන් දෙදෙනෙකු එසේ රළ පහරට හසුව ගසාගෙන ගොස් ඇති බවයි.
අතුරුදන් වූ තරුණයන් දෙදෙනාගෙන් එක් තරුණයකුගේ මළ සිරුර අද (29) අලුයම පමුණුගම වෙරළ තීරයට ගොඩ ගසා ඇති අතර පමුණුගම පොලිස් ස්ථානයේ නිලධාරීන් සහ නාවික හමුදාව විසින් අතුරුදන් වූ අනෙක් පුද්ගලයා සෙවීමේ මෙහෙයුම් අරඹා තිබේ.