ආනයනික සමහර කරවල, හාල්මැස්සන් තොගවල බැර ලෝහ සහ ආසනික් විශාල ප්‍රමාණවලින් අඩංගු වන බව අනාවරණය වී තිබේ.
සෞඛ්‍ය අමාත්‍යංශයේ ආහාර පාලන ඒකකය සිදු කළ ජාතික ආහාර සුරක්ෂිතතා සමීක්ෂණයේදීයි මේ බව හෙළි වී ඇත්තේ.
මීට අමතරව සමහර ආනයනික පලතුරු තොගවලද බැර ලෝහයක් වන ඊයම් විශාල ලෙස අඩංගු බව අනාවරණය වී ඇති අතර ඒ අනුව ජූනි 01 වැනිදා සිට ආදළ ආහාර ද්‍රව්‍යවල බැර ලෝහ පරීක්ෂාව අනිවාර්යය කර ඇති බවයි වාර්තා වන්නේ.