වැල්ලවාය පොලිස් ස්ථානයේ නිලධාරීන් පිරිසක් සිදු කළ වැටලීමකදී රථ වාහන ලියකියවිලි සහ ව්‍යාජ හැඳුනුම්පත් සකස් කර රථ වාහන අලෙවි කළ පුද්ගලයකු අත්අඩංගුවට ගෙන තිබේ.
මෙම සැකකරු විවිධ ප්‍රදේශවල ඇති වාහන කුලී පදනම මත ලබාගෙන එම රථ වාහන වලට ව්‍යාජ ලියකියවිලි සකසා වෙනත් පුද්ගලයන් හට අලෙවි කර ඇත. එලෙස අලෙවි කරන ලද ත්‍රීරෝද රථයක් ද පොලිස් නිලධාරීන් විසින් සොයාගෙන ඇති අතර සැකකරු සන්තකයේ තිබී හැඳුනුම්පත් දෙකක් සහ රියදුරු බලපත්‍රයක් ද පොලිස් භාරයට ගෙන තිබේ.
සැකකරු කැළණිය ප්‍රදේශයේ පදිංචි වයස අවුරුදු 32ක පුද්ගලයකු වන අතර සැකකරු වැල්ලවාය මහේස්ත්‍රාත් අධිකරණයට ඉදිරිපත් කිරීමට නියමිතව තිබිණි. සිද්ධිය සම්බන්ධයෙන් වැල්ලවාය පොලිස් ස්ථානයේ නිලධාරීන් විසින් ඉදිරි විමර්ශන සිදු කරයි.