ශ්‍රී ලංකාවේ නියෝජ්‍ය මහ කොමසාරිස් ආචාර්ය ඩී. වෙන්කේෂ්වරන් පසුගියදා (29) ලෝක ප්‍රකට නළු රජිනිකාන්ත් හමු වී තිබේ.
මෙම හමුව පවත්වා ඇත්තේ ඔහුගේ නිවසේදී වන අතර එහිදී නියෝජ්‍ය මහ කොමසාරිස්වරයා රජිනිකාන්ත් හට ශ්‍රී ලංකාවට පැමිණෙන ලෙස ආරාධනා කළේය.
ඔහුගේ පැමිණීම සිනමා කර්මාන්තය මෙන්ම සංචාරක ව්‍යාපාරයත් වැඩිදියුණු කරන බවයි ඔහු සඳහන් කර ඇත්තේ.
ශ්‍රී ලංකාවට පමණක් සීමා වූ ‘රාමායණ මංපෙත’ සහ ශ්‍රී ලංකාවේ අනෙකුත් සුවිශේෂී බෞද්ධ ස්ථාන ගවේෂණය කරන ලෙස නියෝජ්‍ය මහ කොමසාරිස්වරයා ඔහුට පෞද්ගලිකව ආරාධනා කළේය.
