ඊයේ (06) යාපනය, වඩමාරච්චි වැල්වැටිතුරෙයි ප්‍රදේශයේදී තරුණයෙකු දියේ ගිලී ජීවිතක්ෂයට පත්ව තිබෙනවා.
මෙසේ මිය ගිය තරුණයා මඩකලපුව ප්‍රදේශයේ පදිංචි වයස අවුරුදු 22 ක පමණ වන ජගන් ජනෝසන් නමැති තරුණයෙක්.
අදාළ තරුණයා ඇතුළු තරුණ කණ්ඩායමක් කෝවිල් උත්සවයක් සදහා පසුගිය දිනක ත්‍රිකුණාමලය හා මඩකලපු ප්‍රදේශයේ සිට පැමිණ තිබෙනවා. ඔවුන් කෝවිල් උත්සවය අවසන්ව දිය නෑම සඳහා අසළ වූ ජලාශයකට බැස ඇති අතර එහිදී අදාළ තරුණයා දියේ ගිලී මෙසේ ජීවිතක්ෂයට පත්ව තිබේ.
හදිසි මරණ පරීක්ෂණය වැල්වැටිතුරෙයි හදිසි මරණ පරීක්ෂක විසින් සිදු කරන ලදී.