26 C
Colombo
Sunday, April 6, 2025

― political ―

ජාතික ජන බලවේගයේ පක්ෂ නායකයින් අද මැතිවරණ කොමිසම හමුවට

ජාතික ජන බලවේගයේ පක්ෂ ලේකම් වෛද්‍ය නිහාල් අබේසිංහ මහතා ඇතුළු පක්ෂ නායකයින් පිරිසක් අද (19) මැතිවරණ කොමිසම හමුවීමට නියමිතය. පළාත් පාලන මැතිවරණ පැවැත්වීමේ සුදානම...
HomeNewsඅත්අඩංගුවේ සිටි අයෙක් මියයාම සැක පොලීසියේ 07ක් අත්අඩංගුවට

අත්අඩංගුවේ සිටි අයෙක් මියයාම සැක පොලීසියේ 07ක් අත්අඩංගුවට

අත්අඩංගුවේ සිටි පුද්ගලයෙකු මියයාම සම්බන්ධයෙන් පොලිස් මත්ද්‍රව්‍ය නාශක කාර්යාංශයේ නිලධාරීන් 7 දෙනෙකු අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන තිබෙනවා.

නාරාහේන්පිට වෘත්තිය පුහුණු අධිකාරියේ සහකාර කළමනාකරුවෙකු ලෙසට සේවය කළ 41 හැවිරිදි පුද්ගලයෙකුයි මෙලෙස ජීවිතක්ෂයට පත්ව තිබුණේ. ඔහු හික්කඩුව තෙල්වත්ත ප්‍රදේශයේ පදිංචිකරුවෙක්. මෙම පුද්ගලයාගේ මරණය සම්බන්ධයෙන් පොලිස් මත්ද්‍රව්‍ය නාශක කාර්යාංශයේ උප පොලිස් පරීක්ෂකවරයෙක්, පොලිස් සැරයන්වරයෙක් ඇතුළු නිලධාරීන් 7 දෙනෙකු මෙලෙස අත්අඩංගුවට ගෙන තිබෙනවා.

පසුගිය ජනවාරි මස 10 වැනිදා හෙරොයින් ග්‍රෑම් 15ක් සමගින් මෙම පුද්ගලයා නාරාහේන්පිට ප්‍රදේශයේදී මත්ද්‍රව්‍ය නාශක කාර්යාංශය මගින් අත්අඩංගුවට ගෙන තිබුණා. ඔහුගෙන් සිදු කළ ප්‍රශ්න කිරීමේදී ඇති වූ කලහකාරී තත්වයකදී පොලිසිය එය පාලනය කිරීමට යාමේදී ඇති වූ සිද්ධියකින් පසු එම පුද්ගලයා කොළඹ ජාතික රෝහලට ඇතුලත් කෙරුණු අතර එහිදීයි මියගොස් තිබුණේ.

සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව කළ පරීක්ෂණයකින් පසු අදාළ නිලධාරීන් 7 දෙනා මෙලෙස අත්අඩංගුවට ගෙන තිබෙනවා.