දැනට පවතින ඖෂධ තොග අලෙවි කිරීම සඳහා ඔසුසැල්වලට සති දෙකක සහන කාලයක් ලබා දීමට සෞඛ්‍ය අමාත්‍යාංශය තීරණය කර ඇත.
ඖෂධ ආනයනකරුවන්ගේ සංගමය සහ පෞද්ගලික ඔසුසැල් හිමියන්ගේ සංගමය ඊයේ (12) කොළඹදී හමුවක් පවත්වා තිබේ.
ලබන 15 වැනිදා සිට ඖෂධ වර්ග හැටක මිල අඩුකළද දැනට පවතින ඖෂධ තොග අලෙවි කිරීමට සති දෙකක සහන කාලයක් ලබා දීමටයි අමාත්‍යංශය තීරණය කර ඇත්තේ.
කෙසේ වෙතත් ලබන 15 වැනිදා සිට ඖෂධ වර්ග පහළොවක මිල සියයට දාසයකින් අඩුකිරීමේ ගැසට් නිවේදනය ජාතික ඖෂධ නියාමන අධිකාරිය සකස් කර සෞඛ්‍ය අමාත්‍යාංශයට භාර දී තිබේ.
මෙලෙස මිල අඩු කරන ඖෂධ අතර දියවැඩියා රෝගය, අධිරුධිර පීඩනය සහ ශරීර වේදනාවන් ඇතුළු රෝග රැසක් සඳහා භාවිත කරනු ලබන ඖෂධ ඇත.