ජනාධිපතිවරයා අවස්ථා ගණනාවකදී විදේශ ගතවුවත් ශ්රී ලංකාව ණය බරින් මුදවා ගැනීම සහ ආර්ථික වශයෙන් වර්ධනයක් ඇති කිරීම වෙනුවෙන් කිසිදු සහයෝගයක් හෝ අනුබලයක් ජාත්යන්තරයෙන් ලැබී නොමැති බව සමගි ජන බලවේගයේ ජාතික සංවිධායක පාර්ලිමේන්තු මන්ත්රී තිස්ස අත්තනායක පැවසීය.
හෙතෙම මේ බව සඳහන් කළේ අද (19) කොළඹ මාක්ස් ප්රනාන්දු මාවතේ විපක්ෂ නායක කාර්යාලයේ පැවති මාධ්ය හමුවකදීය.
ආණ්ඩුව ස්ථාවර පාලනයකට නොගොස් තාවකාලික පැලැස්තර ඇලවීම නිසා ජාත්යන්තර පිළිගැනීමක් නොමැති බව මේ තුළින් පැහැදිලි වන බවයි මන්ත්රීවරයා එහිදී අවධාරණය කළේ.