රක්ෂණ වංචාවක් ගැන ජනතාවට අනතුරු ඇඟවීමක්

ලියාපදිංචි සමාගම්වලින් හෝ පුද්ගලයන්ගෙන් පමණක් රක්ෂණයක් මිලදී ගන්නා ලෙස ශ්‍රී ලංකා රක්ෂණ නියාමන කොමිෂන් සභාව මහජනතාවට උපදෙස් දී තිබේ.

ඇතැම් පුද්ගලයන් වට්ටම් කාඩ්පත් වැනි ඇතැම් භාණ්ඩ සාමාන්‍ය ජනතාවට ගාස්තුවකට අලෙවි කරන බව හෝ ඇතැම් රක්ෂණ නිෂ්පාදන සඳහා වට්ටම් ලබා දෙන බව ශ්‍රී ලංකා රක්ෂණ නියාමන කොමිෂන් සභාව විසින් නිකුත් කරන ලද වාර්තාවක දැක්වේ.

මෙම වංචනික ක්‍රියාවන් 2000 අංක 43 දරන රක්ෂණ කර්මාන්ත නියාමන පනතේ විධිවිධානවලට පටහැනි බව IRCSL අනතුරු අඟවයි.

මෙවැනි වංචනික ක්‍රියාකාරකම් පිළිබඳව [email protected] යන විද්‍යුත් තැපෑලෙන් ශ්‍රී ලංකා රක්ෂණ නියාමන කොමිෂන් සභාවට දැනුම් දෙන ලෙස මහජනතාවගෙන් ඉල්ලා සිටී.