ලබන සතියේදී නව පොලිස්පතිවරයෙක් පත් කිරීමට නියමිතව ඇති බව පොලිස් ආරංචිමාර්ග වාර්තා කරයි.
පොලිස්පති සී.ඩී. වික්රමරත්න පසුගිය මාර්තු මස 26 වැනිදා විශ්රාම යෑමට නියමිතව සිටි නමුත් රජය විසින් ඔහුට මාස තුනක සේවා දිගුවක් ලබාදුන් අතර ඒ අනුව පොලිස්පතිවරයාගේ සේවා කාලය ලබන (26) වැනිදායින් අවසන් වීමට නියමිතය.
මීළඟ පොලිස්පති ධුරය සඳහා ජ්යෙෂ්ඨ නියෝජ්ය පොලිස්පතිවරුන් වන දේශබන්දු තෙන්නකෝන්, නිලන්ත ජයවර්ධන, ලලිත් පතිනායක, ප්රියන්ත වීරසූරිය සහ අජිත් රෝහණ යන මහත්වරුන්ගේ නම් යෝජනා වී ඇති අතර මීළඟ පොලිස්පතිවරයා ලෙස පත්කෙරෙන නිලධාරියා කවුදැයි තවමත් ස්ථිර තීරණයක් ගෙන නොමැති බවයි වාර්තා වන්නේ.