ඉදිකිරීම් ක්ෂේත්‍රයේදී භාවිත කරන අමුද්‍රව්‍යවල මිල අඩු කිරීමට පියවර ගෙන ඇති බව වාණිජ අමාත්‍යාංශය දැනුම් දී තිබේ.
වෙළඳ හා ආහාර සුරක්ෂිතතා අමාත්‍යාංශයේ ලේකම් අතපත්තු සඳහන් කළේ අමුද්‍රව්‍ය ආනයනය කරන සමාගම් මිල අඩු කිරීමට එකඟ වී ඇති බවයි.
ඩොලරයට සාපේක්ෂව රුපියලේ අගය ඉහළ යාම, ඉන්ධන මිල අඩුවීම, බැංකු පොලී අනුපාත අඩුවීම ඇතුළු විවිධ කරුණු හේතුවෙන් අමුද්‍රව්‍යවල මිල අඩු කිරීමේ හැකියාවක් දක්නට ලැබෙන බව ඔහු පෙන්වා දුන්නේය.
දැනට එකතැන පල්වෙන ඉදිකිරීම් කර්මාන්තය යළි ගොඩනැගීම සඳහා අමුද්‍රව්‍ය මිල අඩු කිරීම ඉතා වැදගත් වේ.
ඇතැම් සමාගම් නිෂ්පාදන මිල අඩු කිරීමට දැනටමත් පියවර ගෙන ඇති බවද ඔහු සඳහන් කළේය.