ශ්‍රීපුර පොලීසිය විසින් දැරියකට පහර දුන් පොලිස් සැරයන්වරයෙකු අත්අඩංගුවට ගෙන තිබේ.
සැරයන්වරයා මෙලෙස පහර දී ඇත්තේ ඔහුගේ අනියම් බිරිඳගේ දියණියට බවයි පොලීසිය පවසන්නේ.
සිය මව පොලිස් සැරයන්වරයා සමග පවත්වන අනියම් සම්බන්ධතාවයට මෙම 17 හැවිරිදි දියණිය විරෝධය දක්වා ඇති අතර එම අවස්ථාවේදී නිවසේ සිටි සැරයන්වරයාටද දියණිය බැන වැදී ඇති බවයි වාර්තා වන්නේ.
එම බැන වැදීම නොරිස්සූ සැරයන්වරයා දැරියට පහර දී ඇති අතර පහරදීමෙන් තුවාල ලැබූ දැරිය ප්‍රතිකාර සඳහා ශ්‍රීපුර රෝහලට ඇතුළත් කර තිබේ.
අත්අඩංගුවට ගත් පොලිස් සැරයන්වරයා අධිකරණයට ඉදිරිපත් කිරීමට නියමිතය.