සියලු හමුදා සාමාජිකයන්ගේ සලාක මුදල රුපියල් 10,000 කට ආසන්න මුදලකින් ඉහළ නංවා ඇති බව යුද හමුදාව පවසයි.
මෙරට ඇතිවූ ආර්ථික අවපාතය හේතුවෙන් පීඩනයට පත් වූ සියලු හමුදා සාමාජිකයන්ට සහනයක් ලෙස මෙම පියවර ගෙන තිබේ.
හමුදා මාධ්‍ය ප්‍රකාශක බ්‍රිගේඩියර් රවී හේරත් කියා සිටියේ හමුදාපති ලුතිනන් ජෙනරාල් විකුම් ලියනගේ කළ ඉල්ලීමට ජනාධිපති රනිල් වික්‍රමසිංහගේ අනුමැතිය හිමිව ඇති බවයි.
ඒ අනුව සක්‍රිය සේවයේ නිරත සියලු යුද හමුදා සාමාජිකයන්ගේ මාසික සලාක දීමනාව 2023 අප්‍රේල් මාසයේ සිට ඉහළ නැංවුණු අතර එය මැයි මාසයේ සිට සියලුම යුද හමුදා සාමාජිකයන්ගේ වැටුපට එකතු කර ඇති බව හමුදා ප්‍රකාශකවරයා කීය.