ජනාධිපති රනිල් වික්‍රමසිංහ විසින් අමාත්‍ය මණ්ඩලය සංශෝධනයක් සිදු කිරීමට අපේක්ෂා කරන බව දේශපාලන ආරංචිමාර්ග සඳහන් කරයි.
ප්‍රධාන අමාත්‍යාංශ කිහිපයක බලාපොරොත්තු වෙනස් කරවන වාර්තා සහ ඇතැම් අමාත්‍යවරුන්ගේ කාර්ය සාධනය අසාර්ථක වීම හේතුවෙනුයි ජනාධිපතිවරයා මෙම තීරණය ගෙන ඇත්තේ.
ජනාධිපතිවරයා පවසන්නේ පවතින දුෂ්කරතා සහ ආර්ථික අර්බුද මධ්‍යයේ කටයුතු කළ හැකි මන්ත්‍රීවරුන්ට පමණක් අමාත්‍ය ධුර ලබා දෙන බවයි.
ජනාධිපතිවරයා සහ ආණ්ඩු පක්ෂ අතර පසුගිය සති කිහිපය තුළ කැබිනට් සංශෝධනයක් පිළිබඳ සාකච්ඡා පැවැත්වුණද ශ්‍රී ලංකා පොදුජන පෙරමුණේ අමාත්‍ය ධුර ඉල්ලීම හේතුවෙන් එය ප්‍රමාද වී ඇති බවයි වාර්තා වන්නේ.