අධිකරණයට අපහාස කිරීම සම්බන්ධයෙන් රාජ්‍ය ඇමතිනී ඩයනා ගමගේට එරෙහිව පියවර ගන්නා ලෙස අභියාචනාධිකරණයේ සභාපති විනිසුරුවරයා වෙත ඉල්ලීමක් යොමු කරන බව කොළඹ මහේස්ත්‍රාත් අධිකරණය අද නියෝග කළා.
අපරාධ පරීක්ෂණ දෙපාර්තමේන්තුව විසින් ඉදිරිපත් කළ කරුණු සළකා බැලීමෙන් අනතුරුවයි කොළඹ ප්‍රධාන මහේස්ත්‍රාත් ප්‍රසන්න අල්විස් මෙම නියෝගය නිකුත් කළේ.
පසුගිය මැයි මස 29 වනදා රූපවාහිනී නාලිකාවක දේශපාලන සංවාධාත්මක වැඩසටහනකදී රාජ්‍ය ඇමතිනි ඩයනා ගමගේ සිදු කළ ප්‍රකාශයක් සම්බන්ධයෙන් සිදුකළ විමර්ශනයකින් අනතුරුව මහේස්ත්‍රාත්වරයා විසින් මෙම පියවර ගෙන තිබෙනවා.