බ්‍රිතාන්‍යයේ සහ ප්‍රංශයේ සිදුකළ නිල සංචාරය අවසන් කරමින් ජනාධිපති රනිල් වික්‍රමසිංහ අද (26) උදෑසන දිවයිනට පැමිණ තිබේ.
ජනාධිපතිවරයා ඇතුළු දූත පිරිස අද (26) උදෑසන 09.10ට එමිරේට්ස් ගුවන් සේවයේ ඊ.කේ- 650 දරණ ගුවන් යානයෙන් කටුනායක ගුවන්තොටුපොළ වෙත පැමිණි බවයි ගුවන්තොටුපොළ අප වාර්තාකරු සඳහන් කළේ.
ජනාධිපතිවරයාගේ පැමිණීම වෙනුවෙන් අද අලුයම 05.30 සිට කටුනායක ගුවන්තොටුපොළ තුළ ඒ අවට ප්‍රදේශයේ සහ කොළඹ – කටුනායක අධිවේගී මාර්ගය අවට ප්‍රදේශයේ දැඩි ආරක්ෂාවක් යොදවා තිබූ බවයි වාර්තා වන්නේ.
ඒ සදහා පොලිස් නිලධාරීන් මෙන්ම ශ්‍රී ලංකා ගුවන් හමුදා නිලධාරීන් ද යොදවා තිබුණා.