මෙරටින් වාර්තා වන ඩෙංගු මරණ සංඛ්‍යාව 27ක් දක්වා ඉහළ ගොස් ඇති බව ජනාධිපති ඩෙංගු මර්දන විශේෂඥ කමිටුව පවසයි.
වසරේ මේ දක්වා කාලය තුළ ඩෙංගු රෝගීන් 47000 ක් වාර්තා වී ඇති බවයි එම කමිටුවේ සභාපති, විශේෂඥ වෛද්‍ය සීතා අරඹේපොළ සඳහන් කළේ.
එමෙන්ම වාර්තා වන රෝගීන්ගෙන් 75% ක්ම වයස අවුරුදු 15ට වැඩි පුද්ගලයින් වන අතර ඩෙංගු උණ මීට පෙර කුඩා ළමුන් අතර බහුලව පැවතියත්, වර්තමානය වනවිට තරුණයින් වැඩි වශයෙන් ඊට ගොදුරු වන බවයි විශේෂඥ වෛද්‍ය ආනන්ද විජේවික්‍රම පවසන්නේ.