වසරේ ගෙවී ගිය මස පහ තුළදී පමණක් ලංකා ඛනිජතෙල් නීතිගත සංස්ථාව රුපියල් මිලියන හැටදහසක ලාභයක් ලබා ඇති බව එම සංස්ථාවේ කළමනාකාර අධ්‍යක්ෂ අද්මිරාල් රවීන්ද්‍ර විජේගුණරත්න පැවසීය.
මෙම ලාභය ලබාගැනීමට ප්‍රධාන හේතුව වූයේ සංස්ථාව තුළ ඇති අකාර්යක්ෂමතාව හා අක්‍රමිකතාවන් මගහරවා ගැනීමට හැකියාව ලැබී ඇති නිසා බවයි ඔහු සඳහන් කළේ.
එමෙන්ම සංස්ථාව හිමිකරගෙන ඇති ලාභය ජනතාවට ලබාදීමට ඉදිරියේදී කටයුතු කරන බවත් ඉන්ධන මිල අඩු කිරීමට ද ඉදිරියේදී කටයුතු කරන බවත් ඔහු අවධාරණය කළේය.