ගවයන්ට වැළඳී ඇති සමේ ගැටිති රෝගය පාලනය කිරීම සඳහා වයඹ පළාත තුළ ගවයන් ප්‍රවාහනය තහනම් කරමින් පනවා තිබූ තාවකාලික තහනම ඉවත් කර තිබේ.
එම තහනම පසුගියදා (24) සිට ඉවත් කිරීමට පියවර ගෙන ඇති බවයි වයඹ පළාත් සත්ත්ව නිෂ්පාදන හා සෞඛ්‍ය දෙපාර්තමේන්තුව නිවේදනයක් නිකුත් කරමින් පවසන්නේ.
වයඹ පළාත් සත්ත්ව නිෂ්පාදන හා සෞඛ්‍ය දෙපාර්තමේන්තුවේ අධ්‍යක්ෂ පශු වෛද්‍ය බී.සී.එස්.පෙරේරාගේ අත්සනින් තහනම ඉවත් කරන ලද එම නිවේදනය නිකුත් කර තිබේ.
වයඹ පළාත් ආණ්ඩුකාර ලක්ෂ්මන් යාපා අබේවර්ධන සමඟ පැවති සාකච්ඡාවකින් පසුව මෙම තීරණය ගෙන තිබේ.